გადახდის წესი და შეკვეთის დამუშავება
1. გადახდის ფორმები
ვებ-გვერდზე საქონლის შეძენისას მომხმარებელს შეუძლია ანგარიშსწორება განახორციელოს შემდეგი მეთოდებით:
- უნაღდო ანგარიშსწორება (საბანკო გადარიცხვა): თანხის გადარიცხვა კომპანიის ოფიციალურ საბანკო ანგარიშზე: GE05TB7764236080100012;
- ნაღდი ანგარიშსწორება მიწოდებისას (Cash on Delivery): ნივთის ღირებულების გადახდა ნაღდი ფულით უშუალოდ კურიერთან, ნივთის ადგილზე ჩაბარების მომენტში;
- ონლაინ განვადება: პარტნიორი ფინანსური დაწესებულების (სს „თიბისი ბანკი“) მეშვეობით. მომხმარებელი აცნობიერებს, რომ განვადების დამტკიცება და პირობები რეგულირდება ბანკის შიდა პოლიტიკით. ზოგ შემთხვევაში, ბანკის მოთხოვნით, შესაძლოა საჭირო გახდეს მომხმარებლის ფიზიკური გამოცხადება საბანკო ფილიალში ხელშეკრულებაზე ხელმოწერის მიზნით.
2. ინვოისის გამოწერისა და ტრანსპორტირების ღირებულების დაზუსტების წესი
- საბანკო გადარიცხვით ანგარიშსწორებისას, კომპანია მომხმარებელს უგზავნის პირველად ინვოისს.
- იმ შემთხვევაში, თუ ნივთის სპეციფიკიდან, გაბარიტებიდან ან მიწოდების მისამართიდან გამომდინარე, ტრანსპორტირების ტარიფის ავტომატური დაანგარიშება ვებ-გვერდის სისტემის მიერ ვერ ხერხდება, მომხმარებელი ვალდებულია არ გადაიხადოს პირველადი ინვოისის თანხა და დაელოდოს კორექტირებულ (ახალ) ინვოისს, სადაც ასახული იქნება ტრანსპორტირების ზუსტი საფასური.
- საბანკო გადარიცხვისას შეკვეთა აქტიურდება და მიეწოდება საწყობს მხოლოდ მას შემდეგ, რაც ინვოისით გათვალისწინებული სრული თანხა (ნივთის ღირებულებას დამატებული ტრანსპორტირების საფასური) რეალურად და სრულად აისახება კომპანიის საბანკო ანგარიშზე.
3. შეკვეთის დამუშავების ვადები
- მომხმარებლის მიერ შეკვეთის წარმატებით გაფორმებისა და ანგარიშსწორების პირობის შესრულების (ხოლო განვადების შემთხვევაში — ბანკისგან დადასტურების მიღების) შემდეგ, შეკვეთის იურიდიული და ტექნიკური დამუშავება ხდება იმავე ან მომდევნო სამუშაო დღეს.
- არასამუშაო ან უქმე დღეებში გაფორმებული შეკვეთების დამუშავება დაიწყება მომდევნო პირველივე სამუშაო დღეს.
