საგარანტიო მომსახურების პირობები
შპს „აგრო თრეიდის“ (ს/კ 431952452) მიერ რეალიზებულ პროდუქციაზე საგარანტიო მომსახურებას ახორციელებს უშუალოდ შპს „აგრო თრეიდი“.
სერვისცენტრების ლოკაციები და საკონტაქტო ინფორმაცია
მომხმარებელს შესაძლებლობა აქვს საგარანტიო მომსახურებით ისარგებლოს შპს „აგრო თრეიდის“ ფილიალებში საქართველოს მასშტაბით, შემდეგ მისამართებზე:
- ოკამის ფილიალი: თბილისი-ლესელიძის მე-40 კილომეტრი, ოკამის გადასახვევთან, ავტობანზე
- ტელ: 574 020 777
- სამუშაო გრაფიკი: ორშაბათი – პარასკევი 10:00 – 18:00, შაბათი 11:00 – 18:00 (კვირა არასამუშაო დღე)
საკომუნიკაციო არხები:
- ცხელი ხაზი: 598 850 503
- ელექტრონული ფოსტა: agrotradegeo@gmail.com
- სოციალური მედია: https://www.facebook.com/AGROTRADEGEO/
კომერციული გარანტიის პირობები
კომერციული გარანტია წარმოადგენს მოვაჭრის დამატებით (ნებაყოფლობით) ვალდებულებას და არ ზღუდავს ან ანაცვლებს მომხმარებლის კანონისმიერ უფლებებს. კომერციული გარანტია მოქმედებს საქართველოს ტერიტორიაზე შემდეგი პირობებით:
- სპეციალური საგარანტიო პირობა: პროდუქციის ძრავსა და რედუქტორზე მოქმედებს გაფართოებული 3 (სამი) წლიანი კომერციული გარანტია.
- ინდივიდუალური პირობები: შპს „აგრო თრეიდის“ მიერ გასაყიდ ყველა ნივთს არ მოჰყვება კომერციული გარანტია. სხვადასხვა ნივთზე შესაძლოა მოქმედებდეს განსხვავებული კომერციული საგარანტიო პირობები (ან ვადები), რაც მითითებულია ვებგვერდზე განთავსებულ თითოეულ ნივთზე ინდივიდუალურად. აღნიშნული პირობების შესახებ მომხმარებელს დამატებით ეცნობება ნივთის შეძენისას.
კომერციული გარანტიის ფარგლებში, ნივთი ოპერატიულად შეიცვლება შემდეგ შემთხვევებში:
- თუ ნივთს გახსნისთანავე, ყიდვის მომენტში, შპს „აგრო თრეიდის“ წარმომადგენლის თანდასწრებით დაუფიქსირდა ვიზუალური დეფექტი;
- თუ შეძენილ ნივთს შეძენიდან 7 (შვიდი) კალენდარული დღის ვადაში აღმოაჩნდა ქარხნული დეფექტი (არ იგულისხმება ვიზუალური/მექანიკური დაზიანება და პროგრამული ხარვეზი), და მომხმარებლის მიერ აღნიშნულ ვადაში ნივთი წარდგენილი იქნა ავტორიზებულ სერვისცენტრში, რომელიც შესაბამისი აქტით ადასტურებს ქარხნულ დეფექტს;
- ნივთის შეცვლა ხდება იგივე ან მეტი (სხვაობის დამატებითი გადახდით) ღირებულების ნივთის გადაცემით, რომელიც შეცვლის მომენტში კომპანიის გაყიდვაშია. ღირებულება განისაზღვრება შეძენისას გადახდილი ფასიდან.
კანონისმიერი გარანტია, მტკიცების ტვირთი და ვადები
მომხმარებელს უფლება აქვს ისარგებლოს კანონით დადგენილი უფლებებით, თუ საქონლის ნაკლი აღმოჩნდა მისი გადაცემიდან 2 (ორი) წლის განმავლობაში.
- მტკიცების ტვირთის განაწილება:
- თუ მომხმარებელმა საქონლის ნაკლი მისი მფლობელობაში მიღებიდან 6 (ექვსი) თვის განმავლობაში აღმოაჩინა, საწინააღმდეგოს დამტკიცებამდე იგულისხმება, რომ ნაკლი არსებობდა საქონლის მიწოდებისას. ამ პერიოდში მტკიცების ტვირთი ეკისრება მოვაჭრეს (შპს „აგრო თრეიდი“).
- ნივთის გადაცემიდან 6 თვის გასვლის შემდეგ (მაგრამ 2 წლის გასვლამდე) ნაკლის აღმოჩენის შემთხვევაში, იმის მტკიცების ტვირთი, რომ ნაკლი არსებობდა მიწოდებისას, ეკისრება თავად მომხმარებელს.
- შეკეთების/შეცვლის ვადები:
- ნაკლი აღმოიფხვრება (ნივთი შეკეთდება ან შეიცვლება) გონივრულ ვადაში, მომხმარებლისთვის მნიშვნელოვანი შეფერხების შექმნის გარეშე. ეს ვადა, როგორც წესი, არ უნდა აღემატებოდეს 15 სამუშაო დღეს.
- იმ შემთხვევაში, თუ შეკეთებისათვის საჭიროა სათადარიგო ნაწილის საზღვარგარეთ შეძენა ან ნივთის გაგზავნა მწარმოებლის ავტორიზებულ სერვისცენტრში, შეკეთების ვადა შეიძლება შეადგენდეს 30 სამუშაო დღეს, რის შესახებაც მომხმარებელი წინასწარ იქნება ინფორმირებული.
- მეორეული საქონელი:
- 2-წლიანი სავალდებულო საგარანტიო ვადა არ ვრცელდება მეორეული (ხმარი) საქონლის ნასყიდობაზე. ასეთი საქონლის შეძენისას მოვაჭრის პასუხისმგებლობა და პირობები მხარეთა შორის ინდივიდუალური (სახელშეკრულებო) შეთანხმების საგანია.
მომხმარებლის უფლებები ნაკლის მქონე საქონლის მიწოდების შემთხვევაში
საქონლის ნაკლის აღმოჩენისას მომხმარებელს უფლება აქვს მოვაჭრეს მოსთხოვოს ნაკლის აღმოფხვრა იერარქიულად, შემდეგი წესით:
- პირველი რიგის უფლებები: მომხმარებელს უფლება აქვს მოითხოვოს საქონლის უსასყიდლოდ შეკეთება ან ახლით შეცვლა, გარდა იმ შემთხვევისა, როდესაც ეს, საქონლის ბუნებიდან გამომდინარე, შეუძლებელია ან არათანაზომიერ ან შეუსაბამოდ დიდ ხარჯს მოითხოვს.
- მეორე რიგის უფლებები: მომხმარებელს უფლება აქვს მოითხოვოს საქონლის ფასის შემცირება ან უარი თქვას ხელშეკრულებებზე (მოითხოვოს თანხის დაბრუნება), თუ არსებობს ერთ-ერთი შემდეგი პირობა:
- საქონლის შეკეთება ან შეცვლა შეუძლებელია;
- მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
⚠️ მნიშვნელოვანი სამართლებრივი დათქმები:
- ხარჯების დაფარვა და ტრანსპორტირება: საქონლის უსასყიდლოდ შეკეთება ან შეცვლა გულისხმობს მოვაჭრის მიერ ყველა ხარჯის (მათ შორის, ფოსტის/ტრანსპორტირების, სამუშაო ძალისა და მასალების ხარჯების) სრულად გაღებას. რეგიონებიდან სერვისცენტრამდე ნივთის ტრანსპორტირების ხარჯს კომპანია ანაზღაურებს მხოლოდ იმ შემთხვევაში, თუ სერვის ცენტრის მიერ ოფიციალურად დადასტურდება ქარხნული ნაკლის (წუნის) არსებობა.
- უმნიშვნელო ნაკლი: მომხმარებელს არ აქვს უფლება უარი თქვას ხელშეკრულებაზე და მოითხოვოს თანხის დაბრუნება, თუ საქონლის ნაკლი უმნიშვნელოა.
- ზიანის ანაზღაურება: ხელშეკრულებიდან გასვლის შემთხვევაში, მომხმარებელს უფლება აქვს მოითხოვოს მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს უფლება აქვს მოითხოვოს საქონლის ფასის შემცირება ან უარი თქვას ხელშეკრულებაზე, თუ არსებობს ერთ–ერთი შემდეგი პირობა:
- საქონლის შეკეთება ან შეცვლა შეუძლებელია;
- მოვაჭრემ საქონელი გონივრულ ვადაში არ შეაკეთა ან არ შეცვალა და მომხმარებელმა ხელშეკრულების შესრულებისადმი ინტერესი დაკარგა;
- მოვაჭრის მიერ საქონლის შეკეთება ან შეცვლა მომხმარებელს მნიშვნელოვან შეფერხებას შეუქმნის.
მომხმარებელს უფლება აქვს, ხელშეკრულებიდან გასვლის შემთხვევაში მოითხოვოს ხელშეკრულების შეუსრულებლობით მიყენებული ზიანის ანაზღაურება საქართველოს კანონმდებლობით დადგენილი წესით.
მომხმარებელს არ აქვს უფლება, უარი თქვას ხელშეკრულებაზე, თუ საქონლის ნაკლი უმნიშვნელოა.
იმის განსაზღვრისას, თუ რამდენად არათანაზომიერია ან შეუსაბამოდ დიდია ხარჯი, გათვალისწინებული უნდა იქნეს შემდეგი პირობები: საქონლის ან მომსახურების ფასი მისი ხელშეკრულებით გათვალისწინებულ პირობებთან შესაბამისობის შემთხვევაში; საქონლის ან მომსახურების ხელშეკრულებით გათვალისწინებულ პირობებთან შეუსაბამობის ხარისხი; საქონლის ნაკლის მომხმარებლისთვის შეფერხების შექმნის გარეშე აღმოფხვრის ალტერნატიული შესაძლებლობა.
საგარანტიო მომსახურება არ ხორციელდება / უქმდება, თუ:
- გასულია საგარანტიო ვადა;
- საგარანტიო ბარათი ან შეძენის დამადასტურებელი დოკუმენტი (ჩეკი/ინვოისი) არ არის წარმოდგენილი და სხვაგვარად ვერ ხდება შეძენის იდენტიფიცირება;
- პროდუქტზე ქარხნული მონაცემები ან სერიული ნომერი წაშლილი, შეცვლილი, გადაკეთებულია ან არ იკითხება;
- დაზიანება გამოწვეულია დამცავი პლომბის ან ლუქის მოცილებით/დაზიანებით;
- წუნი გამოწვეულია მოწყობილობის მექანიკური ან ვიზუალური დაზიანებით;
- მოწყობილობა გამოიყენებოდა მისი დანიშნულების შეუსაბამო მიზნით;
- მოწყობილობა დაშლილია (გახსნილია) თვითნებური შეკეთების ან მოდიფიკაციის მიზნით;
- დაზიანება გამოწვეულია მექანიზმში უცხო სხეულის, მწერების ან სითხეების შეღწევით;
- დაზიანება გამოწვეულია ექსპლუატაციის და შენახვის წესების და პირობების დარღვევით.
მნიშვნელოვანი შენიშვნა:
- საგარანტიო პერიოდის განმავლობაში, ნებისმიერი თავდაპირველი ნაკლის შემთხვევაში, გთხოვთ, მიმართოთ მხოლოდ ავტორიზებულ სერვის ცენტრს.
- ფილიალს არ აქვს პროდუქციის შეცვლის/შეკეთების/დაბრუნების უფლება შესაბამისი ტექნიკური შემოწმებისა და წუნის აქტის (მტკიცებულების) გარეშე.
